Ռազմական դրության պահպանումն ինքնանպատակ չէ. Բադասյան
Ո՛չ ռազմական, ո՛չ արտակարգ դրության պահպանումն ինքնանպատակ չի կարող լինել՝ հայտարարեց ՀՀ արդարադատության նախարար Ռուստամ Բադասյանը՝ Կառավարության հետ հարցուպատասխանի ժամանակ պատասխանելով «Լուսավոր Հայաստան» խմբակցության պատգամավոր Արկադի Խաչատրյանի հարցին:
«Այսօր էլ ԱԺ-ում հնչող հարցերը, եթե ուշադրություն դարձնենք, վերաբերում են անվտանգային միջավայրին, անվտանգային միաջավայրի հետ կապված խնդիրներին, և համապատասխան լիազոր մարմնի ուշադրության գոտում է գտնվում հարցը:
Այն պահից սկսած, երբ ռազմական դրությունը պահպանելու հիմքերը կվերանան՝ կապված անվտանգային միջավայրի հետ, Կառավարության կողմից ռազմական դրությունը անմիջապես կվերացվի: Որևէ քաղաքական ենթատեքստ այստեղ չկա»,- ասաց նախարարը:
Կարծիքներ