Արաբկիրում կազմակերպվել է մեծ շաբաթօրյակ
Արաբկիրում կազմակերպվել է մեծ շաբաթօրյակ։
Այս մասին տեղեկացնում է վարչական շրջանը «Ֆեյսբուք»-ի իր էջում:
«Քաղաքը միասնական ուժերով մաքրելու նախաձեռնության շրջանակներում, աշխատանքներին են միացել քաղաքապետարանի, վարչական շրջանների աշխատակազմերի ներկայացուցիչները և տեղի բնակիչները:
Երևանի քաղաքապետի խորհրդական Կամո Արեյանի, կոմունալ վարչության պետ Արսեն Կարոյանի և Արաբկիր վարչական շրջանի ղեկավար Արամ Ազատյանի վերահսկողությամբ, աղբից մաքրվել են 15-ից ավելի խնդրահարույց տարածքներ։
Ներգրավվել է 26 միավոր տեխնիկա։
Փողոցների, բակային տարածքների լվացման աշխատանքներ են կատարվել ԵԱՍՄ համայնքային հիմնարկի ջրցանների միջոցով։
Աշխատանքներին մասնակցել են նաև ԱԻՆ աշխատակիցները»,- ասված է հաղորդագրության մեջ:
Կարծիքներ