Ճապոնիայում Ֆրանսիայի դեսպանը հաստատել է, որ Փարիզը դեմ է Տոկիոյում ՆԱՏՕ-ի գրասենյակի բացմանը

Ճապոնիայում Ֆրանսիայի դեսպանը հաստատել է, որ Փարիզը դեմ է Տոկիոյում ՆԱՏՕ-ի գրասենյակի բացմանը

Ֆրանսիան դեմ է Տոկիոյում ՆԱՏՕ-ի ներկայացուցչության բացմանը՝ Չինաստանի հետ առճակատման խորացման մտավախությունների պատճառով:  

Այս մասին հայտնում է ՏԱՍՍ-ը՝ վկայակոչելով Ճապոնիայում Ֆրանսիայի դեսպան Ֆիլիպ Սետոնի հայտարարությունը:

«Մենք չենք կարող համաձայնել Տոկիոյում ՆԱՏՕ-ի գրասենյակի բացմանը: Մենք չպետք է սխալ ուղերձ հղենք Չինաստանին և Ասիայի մեր գործընկերներին»,- ասել է դիվանագետը:

Ավելի վաղ Financial Times-ը, վկայակոչելով իր աղբյուրները, նշել էր, որ Փարիզի դիրքորոշումը բարդացնում է Ասիայում ՆԱՏՕ-ի առաջին ներկայացուցչության բացման հարցով բանակցությունները: Պարբերականի տվյալներով՝ Ֆրանսիայի նախագահ Էմանուել Մակրոնը կարծում է, որ դաշինքի ուշադրությունը պետք է կենտրոնանա Հյուսիսատլանտյան տարածաշրջանի վրա:

Հետևեք մեզ նաև Տելեգրամում