Վիկ Դարչինյանն ու ՀԲՖ ղեկավարը հանդիպել են հավաքականի բռնցքամարտիկների հետ
Պրոֆեսիոնալ բռնցքամարտում տարբեր վարկածներով աշխարհի չեմպիոն Վիկ Դարչինյանը Հայաստանի բռնցքամարտի ֆեդերացիայի նախագահ Հովհաննես Հովսեփյանի և ֆեդերացիայի ղեկավար կազմի հետ այցելել է Ծաղկաձորում ուսումնամարզական հավաք անցկացնող մեր բռնցքամարտիկներին: Այս մասին հաղորդում է Հայաստանի բռնցքամարտի ֆեդերացիան:
Ֆեդերացիայի նախագահը և Վիկ Դարչինյանը զրուցել են մարզիկների հետ՝ քննարկել աշխարհի առաջնության նախապատրաստական փուլի ընթացքը: Հայաստանի մեծահասակների հավաքականը Կարեն Աղամալյանի գլխավորությամբ նախապատրաստվում է Սերբիայում կայանալիք աշխարհի առաջնությանը:
Կարծիքներ