Մեծ Բրիտանիան եղել և այժմ էլ մնում է ՌԴ-ի վտանգավոր աշխարհաքաղաքական հակառակորդը. Նարիշկին
«Մեծ Բրիտանիան երկար ժամանակ եղել և այժմ էլ մնում է Ռուսաստանի Դաշնության վտանգավոր աշխարհաքաղաքական հակառակորդը»,- «Ազգային պաշտպանւթյուն» ամսագրին տված հարցազրույցում ասել է ՌԴ արտաքին հետախուզության ծառայության տնօրեն Սերգեյ Նարիշկինը։
«Մեծ Բրիտանիան դարեր շարունակ եղել ու մնում է մեր հայրենիքի վտանգավոր աշխարհաքաղաքական հակառակորդը»,- ասել է Նարիշկինը՝ հավելելով, որ շատ պատերազմներում ու հակամարտություններում, որոնք ուղղված են եղել Ռուսաստանի շահերի դեմ, շատ հաճախ Լոնդոնի մատը խառն է եղել։
«Անդրկուլիսյան ինտրիգների, մեր երկրի դեմ բրիտանացիների իրականացրած սադրանքների հարյուրավոր օրինակներ կան։ Իհարկե, Մեծ Բրիտանիան վաղուց արդեն կորցրել է նախկինում ունեցած հզորությունը, սակայն ուղղորդվելով անսկզբունք սյուզերենի կողմից, շարունակում է մնալ խիստ վտանգավոր»,- ասել է Նարիշկինը։
Կարծիքներ