Երևանում կոտրված ծառը վնասել է գազախողովակներն ու էլեկտրալարերը, փակել ճանապարհը

Երևանում կոտրված ծառը վնասել է գազախողովակներն ու էլեկտրալարերը, փակել ճանապարհը

Այսօր Սասունցի Դավթի հրապարակի հարևանությամբ՝ Տիգրան Մեծի նրբանցքում, մշակույթի տան հետնամասում հաստաբուն ծառից մի հատված կոտրվել և ընկել է։

Shamshyan.com-ի հաղորդմամբ՝ ըստ նախնական տեղեկությունների, բարեբախտաբար, տուժածներ չկան։ Վնասվել են էլեկտրական լարերն ու գազախողովակները։ Օպերատիվորեն ժամանել են «Գազպրոմ Արմենիա» Երևանի ԳԳՄ-ի և «Հայաստանի էլեկտրական ցանցեր» ընկերությունների ներկայացուցիչները։

Օպերատիվորեն ժամանել են Երևանի քաղաքապետարանի կանաչապատման աշխատակիցները, ովքեր էլեկտրական սղոցներով մասնատում են տապալված ծառը, որպեսզի էլեկտրացանցի և Գազպրոմի աշխատակիցները կարողանան աշխատել։

Հետևեք մեզ նաև Տելեգրամում