Եվրոպան ստացել է ադրբեջաբնական գազի առաջին խմբաքանակը

Դեկտեմբերի 30-ին Իտալիայում և Հունաստանում մեկնարկել է գազի առաջին խմբաքանակի մատակարարումը «Հարավային գազային միջանցք» ադրբեջանական նախագծով:

Այս մասին հայտնում է EADaily-ն՝ հղում անելով Տրանսադրիատիկ գազատարի օպերատորին, որն Ադրբեջանից Եվրոպա գազի մատակարարման նախագծի մի մասն է: Իտալիա այսօր 143 հազար խորոնարդ մետր գազ է հասել:

Դեկտեմբերի 31-ին, ընդհանուր առմամբ, նախատեսվում է 15 մլն խորանարդ մետր գազի մատակարարում Թուրքիայի հետ սահմանով անցնող գազամուղով: Դրանից 4 մլն խորանարդը կուղարկվի հունական Սալոնիկ, 11 մլն-ը՝ իտալական Մելենդունյո:

Տրանսադրիատիկ գազատարի «Հարավային գազային միջանցք» նախագծի մի մասն է, որն Ադրբեջանից ուղևորվում է Եվրոպա: Որպես այլընտրանք ռուսական գազին դրանով նախատեսվում է տարեկան 6 մլրդ խորանարդ գազ մատակարարել Թուրքիա և 10 մլրդ խորանարդ մետր՝ Եվրոպա: