Կամչատկայում կստեղծվի օվկիանոսում տեղի ունեցող գործընթացները ուսումնասիրող լաբորատորիա
Կամչատկայում կստեղծվի օվկիանոսում ընթացող գործընթացների ուսումնասիրման լաբորատորիա։ Այն կմիավորի Հեռավոր Արևելքի հետազոտական կենտրոնների աշխատանքը, իր Instagram-ում հայտնել է տարածաշրջանի ղեկավար Վլադիմիր Սոլոդովը։
«Դմիտրի Նիկոլաևիչ Չերնիշենկոն աջակցել է գիտական ենթակառուցվածք ստեղծելու մեր ծրագրերին. համաշխարհային մակարդակի գիտական և կրթական կենտրոնի շրջանակներում մենք ստեղծում ենք Կլիմայի և օվկիանոսի լաբորատորիան: Այն կհետևի կլիմայի կտրուկ փոփոխություններին: Լաբորատորիան, որը մենք ստեղծում ենք, և որը պետք է միավորի մեր առաջատար հետազոտական կենտրոնները, թույլ կտա ավելի ճշգրիտ ուսումանսիրություններ անել»,- ասել է մարզպետը։
2020 թվականի աշնանը Կամչատկայում նկատվել է այսպես կոչված կարմիր մակընթացություն՝ թունավոր միկրոջրիմուռների ծաղկում, որի հետևանքով շատ ջրային օրգանիզմներ խեղդվել և սպանվել են։ Տեղացիները լուսանկարներ և տեսանյութեր են հրապարակել լողափից, որը սփռված է սատկած ծովային կենդանիներով: Կամչատկայի ափին Խաղաղ օվկիանոսի բուսական ու կենդանական աշխարհը աստիճանաբար վերականգնվում է։
Կարծիքներ