Կոտայքի մարզում բախվել են «Jeep»-ը և «ՎԱԶ 2106»-ը․ կա 5 վիրավոր
Մարտի 9-ին խոշոր ավտովթար է տեղի ունեցել Կոտայքի մարզում։ Ժամը 17։40-ի սահմաններում Եղվարդ-Աշտարակ ավտոճանապարհի Եղվարդի վարչական տարածքում, դեռևս անհայտ հանգամանքներում, բախվել են «Jeep» և «ՎԱԶ 2106» մակնիշի ավտոմեքենաները։
Ինչպես հայտնում է Shamshyan.com-ը, վթարի հետևանքով 5 հոգի տարբեր աստիճանի մարմնական վնասվածքներով տեղափոխվել են մի մասը՝ «Եղվարդ», մի մասը՝ Երևանի «Արմենիա» բժշկական կենտրոններ։ Վիրավորներից 3-ին փրկարարները՝ քաղաքացիների օգնությամբ, մեծ դժվարությամբ են դուրս բերել «ՎԱԶ 2106» մակնիշի ավտոմեքենայից։
Վթարի փաստով Նաիրիի քննչական բաժնում նախաձեռնվել է քրեական վարույթ, որտեղ էլ պարզվում են վարորդների և վիրավորների ինքնությունը։ Քննիչի հանձնարարականով ավտոմեքենաները տեղափոխվել են ոստիկանության հատուկ պահպանվող տարածք։
Կարծիքներ