Բայդենն ասել է, որ ռուսներն ԱՄՆ-ի թշնամիները չեն

ԱՄՆ նախագահ Ջո Բայդենը ռուսներին Վաշինգտոնի թշնամիներ չի համարում, բայց կարծում է, որ նրանք այժմ կտրված են մնացած աշխարհից, և Ռուսաստանը, իբր, վերադառնում է 19-րդ դար՝ իր դեմ Արևմուտքի կողմից կիրառվող պատժամիջոցների լույսի ներքո։ Այս մասին ամերիկացի առաջնորդն այս տեսակետը  հայտնել է շաբաթ օրը՝ ելույթ ունենալով Վարշավայում՝ Ուկրաինայի շուրջ ստեղծված իրավիճակի մասին։

Բայդենը նշել է, որ ինքը «մեսիջ ունի ռուս ժողովրդին»։ «Ես տասնամյակներ շարունակ աշխատել եմ ռուս առաջնորդների հետ»,- ասել է նա։ Բայդենն ասել է, որ ինքը բանակցությունների սեղանի շուրջ նստել է Ալեքսեյ Կոսիգինի հետ, որը ԽՍՀՄ Նախարարների խորհրդի նախագահն էր, և «քննարկել է  սպառազինությունների վերահսկողությունը սառը պատերազմի ամենաթեժ պահին»։

«Ես միշտ ուղիղ և ազնիվ եմ խոսել ձեզ՝ ռուս ժողովրդի հետ, եթե լսեք, թույլ տվեք ասել հետևյալը. դուք՝ ռուս ժողովուրդը, մեր թշնամին չեք», - վստահեցրել է Բայդենը։ Խոսելով Ուկրաինայում հատուկ գործողության մասին, որի մասին հայտարարել է ՌԴ նախագահ Վլադիմիր Պուտինը, ամերիկացի առաջնորդը հայտարարել է, որ «սրանք մեծ տերության գործողությունները չեն»։

«2022 թվականի մարտի 26-ից ընդամենը մի քանի օր առաջ, դուք 21-րդ դարի երկիր էիք այն հույսերով և երազանքներով, որոնք ամբողջ աշխարհի մարդիկ ունեն իրենց և իրենց ընտանիքների համար»,- ասել է Բայդենը։ Նրա խոսքով՝ Ուկրաինայում Ռուսաստանի Դաշնության գործողությունները «կտրում են ռուս ժողովրդին մնացած աշխարհից և վերադարձնում Ռուսաստանը 19-րդ դար»։