Թուրքիայի հարավ-արևելքում նավթատար է պայթել
Թուրքիայի հարավ-արևելքում գտնվող Ղահրամանմարաշ շրջանում նավթատարի վրա պայթյուն է տեղի ունեցել, հաղորդում է TRT Haber-ը:
Պայթյունի պատճառները հայտնի չեն։ Դեպքի վայր են ժամանել հրշեջ բրիգադներ և շտապօգնության մեքենաներ։ Հրդեհը տարածվել է նաև Ղահրամանմարաշ-Գազիանթեպ ավտոմայրուղու վրա:
«Ղահրամանմարաշում պայթյուն է որոտացել նավթամուղի վրա։ Պայթյունից հետո տեղում հրդեհ է բռնկվել։ Իշխանությունները մտահոգված են, որ կրակը կհասնի բնակելի թաղամասեր։ Պայթյունից հետո ծագած հրդեհը տարածվել է նաև Ղահրամանմարաշ-Գազիանթեփ մայրուղու վրա։ Հրդեհի պատճառով շրջան են ուղարկվել բազմաթիվ հրշեջներ և շտապ օգնության մեքենաներ, մայրուղին փակ է երկկողմանի երթևեկության համար», – հաղորդել է հեռուստաալիքը:
Զոհերի և տուժածների մասին տեղեկություններ այս պահին չկան:
Կարծիքներ