Բայդենը չի հերքել Պուտինի հետ հունվարին անձնական հանդիպման հնարավորությունը
ԱՄՆ նախագահ Ջո Բայդենը չի հերքել հունվարին Ռուսաստանի առաջնորդ Վլադիմիր Պուտինի հետ անձնական հանդիպման հնարավորությունը։ Այս մասին գում է ՏԱՍՍ-ը։
Դելավերում լրագրողները երկրի ղեկավարին հարցրել են, թե արդյոք նա անձամբ կհանդիպի Պուտինի հետ հաջորդ ամսվա վերջին։
«Կտեսնենք», - պատասխանել է Բայդենը։
Պետքարտուղարության խոսնակ Նեդ Փրայսը երեքշաբթի ավելի վաղ ասել է, որ ԱՄՆ պաշտոնյաներն ակնկալում են խորհրդակցություններ ռուս պաշտոնյաների հետ, որոնք նախատեսված են հունվարի 10-ին՝ կենտրոնանալով ռազմավարական կայունության խնդիրների վրա: ՌԴ փոխարտգործնախարար Սերգեյ Ռյաբկովը ՏԱՍՍ-ին ասել է, որ Ռուսաստանի և ՆԱՏՕ-ի միջև անվտանգության երաշխիքների վերաբերյալ բանակցությունները կանցկացվեն Բրյուսելում՝ Ժնևում Մոսկվայի և Վաշինգտոնի ներկայացուցիչների հանդիպումից հետո։ Դեկտեմբերի 26-ին Հյուսիսատլանտյան դաշինքի մամուլի ծառայությունից ՏԱՍՍ-ին հայտնել են, որ գլխավոր քարտուղար Յենս Ստոլտենբերգը Մոսկվային հրավիրել է Ռուսաստան-ՆԱՏՕ խորհրդի նիստ գումարել հունվարի 12-ին, երբ նախատեսվում է Դաշինքի ռազմական կոմիտեի նիստը ղեկավարների մակարդակով:
Կարծիքներ