Ռուսական զենքի համար անխոցելի զինատեսակ չկա. խորհրդային ռազմատեխնիկան որակով գերազանցում է արևմտյան մոդելներին. Շոյգու
Մարտի դաշտում ռուսական զենքի համար անխոցելի ոչ մի զինատեսակ չկա, նույնիսկ խորհրդային տարիներին արտադրված ռազմատեխնիկան է որակով գերազանցում արևմտյան մոդելներին:
Այս մասին Միջազգային անվտանգության մոսկովյան 11-րդ կոնֆերանսի ժամանակ հայտարարել է ՌԴ ՊՆ Սերգեյ Շոյգուն։
«Յուրահատուկ և ռուսական զենքի համար անխոցելի ոչ մի զենք կամ զինատեսակ մարտի դաշտում այսօր չկա։ Շատ դեպքերում նույնիսկ խորհրդային տարիների արտադրության տեխնիկան իր մարտական որակներով գերազանցում է արևմտյան մոդելներին»,- ասել է նա։
Շոյգուն հավելել է, որ ՌԴ պաշտպանական գերատեսչությունը կարող է օբյեկտիվ վերահսկել գերմանական տանկերի, ամերիկյան զրահատեխնիկայի, բրիտանական հրթիռների և այլ զինատեսակների ոչնչացման գործընթացը. «Պատրաստ ենք արևմտյան զինտեխնիկայի թույլ կողմերի մասին գնահատականներով կիսվել մեր գործընկեր երկրների հետ»:
Կարծիքներ