Կանադան ծրագրում է մոտ օրերս սկսել Իսրայելից իր քաղաքացիների տարհանումը
Կանադան նախատեսում է մոտ օրերս կազմակերպել Իսրայելից տարհանման թռիչքներ։ Այս մասին հայտարարել է Կանադայի արտաքին գործերի նախարար Մելանի Ջոլին։
«Մենք ծրագրում ենք առաջիկա օրերին սկսել կանադացիների տարհանումը Թել Ավիվից՝ Կանադայի զինված ուժերի ինքնաթիռների օգնությամբ»,- գրել է արտգործնախարարը X սոցիալական ցանցում (նախկինում՝ Twitter):
Նշվում է նաև, որ իշխանությունները լրացուցիչ տարբերակներ են մշակում նրանց համար, ովքեր չեն կարողանում հասնել Թել Ավիվի օդանավակայան։
Ջոլին ասել է, որ տարհանման թռիչքները հասանելի կլինեն Կանադայի քաղաքացիներին, նրանց ամուսիններին և երեխաներին։
Կարծիքներ