Ես հավատում եմ, որ միասնականությունը հաղթանակ կծնի. Թագուհի Թովմասյան

Թագուհի Թովմասյանը գրել է.

Սիրելի՛ ժողովուրդ, խուճապը վատ բան է, թշնամուց ավելի վտանգավոր, ու չպետք է թողնենք հաղթի մեզ: Մի՛ վհատվեք, մի՛ հուսահատվեք, աղաչում եմ ձեզ, ամեն ինչ կորած չէ: Ավելի ծանր օրեր ենք ապրել, բայց հույսը մեզ չի լքել, հավատը չենք կորցրել, որ լավ է լինելու: Հիմա էլ նույնը պետք է լինի: 

Հասկանում եմ շատերդ ջղայնացած եք, մեր կազմակերպվածության ու ինքնակազմակերպվածության մասով խնդիրներ եք տեսնում, քննադատում եք, թե ինչու սա այսպես չի արվում, մյուսը՝ այնպես: Հուսամ՝ արագ կվերացվեն այդ թերությունները եւ կազմակերպված ձեւով կպայքարենք հանուն մեր հայրենիքի ու մեր ապագայի: Մենք ուժեղ ենք, երբ միասնական ենք: Ես հավատում եմ, որ միասնականությունը հաղթանակ կծնի: 

Ուժ ու կորով մեր առաջնագծի մարտիկներին, նրանց աշխատանքները կորդինացնող բարձրաստիճան սպաներին: Աստված մեզ հետ։ Հաղթական գիշերվա սպասումներով... 
Շուշին չի՛ ընկնելու