Արցախցիների աջակցության ծրագրերի վճարման ժամկետները երկարացվել են մինչև հուլիսի 1-ը

2020 թ․ պատերազմի հետևանքով Հայաստանում գտնվող կամ Արցախ վերադարձած քաղաքացիներին (68,000+15,000), ավերածությունների հետևանքով անշարժ գույքը կորցրած արցախցիներին (250,000) և Արցախի վերահսկողությունից դուրս մնացած համայնքներում հաշվառված քաղաքացիներին տրվող (300,000) աջակցության ծրագրերի վճարման ժամկետները երկարացվել են մինչև 2021 թ․ հուլիսի 1-ը՝ տեղեկացնում են ՀՀ աշխատանքի և սոցիալական հարցերի նախարարությունից: 

«Այսպիսով՝ մինչ նշված ժամկետը կշարունակվի ծրագրերին արդեն իսկ դիմած քաղաքացիների աջակցության վճարման գործընթացը։ 

Շահառուներին հորդորում ենք վճարման մասին հաղորդագրությամբ տեղեկանալուց հետո մոտենալ «Հայփոստ» կամ «Արցախփոստ»՝ գումարն ստանալու համար․ հուլիսի 1-ից հետո վճարումներ չեն իրականացվի»,- հայտնում են նախարարությունից։