Աննա Հակոբյանը այցելել է Ալպ-Մարիտիմի տարածաշրջանի «Սոֆիա Անտիպոլիս» տեխնոպարկ
ՀՀ վարչապետի տիկին Աննա Հակոբյանն այցելել է Ալպ-Մարիտիմի տարածաշրջանում գտնվող «Սոֆիա Անտիպոլիս» տեխնոպարկ։
Այս մասին տեղեկացնում է վարչապետի տիկնոջ պաշտոնական կայքը:
Սոֆիա Անտիպոլիս հիմնադրամի տնօրեն Ֆիլիպ Մարիանին և նախագահ Ժան Պիեր Մասկարելլին շնորհակալություն են հայտնել Աննա Հակոբյանին այցելության համար և նրան ներկայացրել տեխնոպարկի հաջողության պատմությունը։
Մարիանիի խոսքով՝ 1969թ-ին ֆրանսիացի սենատոր Պիեռ Լաֆֆիտի կողմից նախագծված գիտական կենտրոնը այսօր դարձել է 40 հազար աշխատատեղ ապահովող տեխնոպարկ, որտեղ գործունեություն են ծավալում շուրջ 2500 ընկերություններ։
Աննա Հակոբյանի հետ զրույցում հիմնադրամի տնօրենը հույս է հայտնել, որ կկարողանան Հայաստանի և Հայաստանյան գիտաարտադրական խոշոր ընկերությունների հետ արդյունավետ համագործակցության եզրեր գտնել։
Կարծիքներ