Ճապոնիան կխստացնի պաշտպանական գնումների կանոնները

Ճապոնիայի իշխանությունները կխստացնեն պաշտպանական գնումների, ինչպես նաև զենքի և սարքավորումների մատակարարների ստուգումները։ Այս մասին հայտնել է ՏԱՍՍ-ը՝ հղում անելով Nikkei թերթին։

Ակնկալվում է, որ առաջիկա տարիներին կընդունվի նոր օրենսդրություն, որը կառավարությանը հնարավորություն կտա փոփոխություններ կատարել, ներառյալ գործող պաշտպանական պայմանագրերում, եթե մատակարարների հետ խնդիրներ հայտնաբերվեն: Ճապոնիայի պաշտպանության նախարարությունը կապալառուներին տեղեկատվություն է տրամադրում Ինքնապաշտպանության ուժերի կարիքների և գործունեության մասին: Նման տվյալների ցանկացած արտահոսք կարող է բացահայտել թույլ կողմերը և բացահայտել գաղտնի մանրամասներ, և, հետևաբար, սպասվում է, որ կխստացվեն մատակարարներին ստուգելու չափանիշները:

Ստուգումները կտարածվեն հենց մատակարարված բաղադրիչների, ինչպես նաև մատակարարների կողմից օգտագործվող համակարգիչների և ինտերնետ կապերի վրա: 

Համապատասխան օրենքը նախատեսվում է պատրաստել մինչև 2023թ.։ Կանոնների խստացումը զգալիորեն կսահմանափակի չինական արտադրության արտադրանքի օգտագործումը, ինչպես նաև կհանգեցնի այս հատվածում ճապոնական ընկերությունների մասնաբաժնի ավելացմանը և սպառազինության ոլորտում ԱՄՆ-ի հետ համագործակցության ընդլայնմանը։