Ալեքսեյ Նավալնին վերակենդանացման բաժանմունքում է. նրան թունավորել են թեյի միջոցով. խոսնակ
Ռուս ընդդիմադիր գործիչ Ալեքսեյ Նավալնիի մամլո խոսնակ Կիրա Յարմին հայտնում է, որ Նավալնին Օմսկում շտապ հոսպիտալացվել է: Այստեղ շտապ վայրէջք է կատարել ինքնաթիռը, որում նա գտնվում էր, եւ որն իրականացնում էր Տոմսկ-Մոսկվա չվերթը:
ТАСС գործակալությունն էլ հայտնում է, որ Նավալնին հոսպիտալացվել է տոքսիկ թունավորման նշաններով: Այժմ նա հիվանդանոցի վերակենդանացման բաժանմունքում է, անգիտակից վիճակում:
Կիրա Յարմիշը Թվիթերի իր էջում հայտնել է, որ իրենք կարծում են, որ Նավալնիին թունավորել են թեյի մեջ ինչ-որ բան խառնելով:
«Դա միակ բանն է, որ նա խմել է առավոտյան»,- գրել է Յարմիշը:
Կարծիքներ