Գազայում հայտնել են, որ Իսրայելի հարվածների զոհերի թիվը գերազանցել է 45 000-ը

Գազայի հատվածում իսրայելական հարձակումների հետևանքով զոհվել է ավելի քան 45 000 մարդ, վիրավորվել՝ գրեթե 107 000-ը: Այս մասին հաղորդում է Al Jazeera-ն։

Նշվում է, որ Գազայի հատվածի առողջապահական ծառայությունների տվյալներով՝ անկլավում Իսրայելի և ՀԱՄԱՍ-ի միջև հակամարտության ընթացքում զոհվել է առնվազն 45 028 մարդ, վիրավորվել՝ 106 962-ը։

Վերջին 24 ժամվա ընթացքում Իսրայելի հարձակումների հետևանքով զոհվել է 52 պաղեստինցի, վիրավորվել՝ 203-ը։

2023 թվականի հոկտեմբերի 7-ին պաղեստինյան ՀԱՄԱՍ արմատական շարժման հարձակման հետևանքով Իսրայելում զոհվել էր 1200 մարդ։ Եվս 250 մարդ գերեվարվել է, որոնց մի մասը վերադարձվել է 2023 թ. նոյեմբերին հաստատված մեկշաբաթյա հրադադարի ժամանակ։ Դեռ շուրջ 100 պատանդ գտնվում է ՀԱՄԱՍ-ի մոտ։