Ամիրյան փողոցը գիշերային ժամերին փակ կլինի
Երևանի քաղաքապետարանը հայտարարություն է տարածել՝ նշելով, որ ճանապարհաշինարարական աշխատանքներով պայմանավորված, օգոստոսի 25-ից մինչև սեպտեմբերի 5-ը՝ ժամը 00:00-ից մինչև 08:00-ն փուլ առ փուլ միակողմանի փակ է լինելու Ամիրյան փողոց- Հանրապետության հրապարակ հատումից մինչև Ամիրյան փողոց- Սարյան փողոցի խաչմերուկ եղած ճանապարհահատվածը, այնուհետև՝ հակառակ ուղղությամբ:
Երթևեկությունն իրականացվելու է հանդիպակաց ուղղության երթևեկելի մեկ գոտու հաշվին:
«Հորդորում ենք վարորդներին աշխատանքի արդյունավետությունն ապահովելու նպատակով տրանսպորտային միջոցները չկայանել վերոնշյալ ճանապարհահատվածի երթևեկելի մասում»,-ասվում է հաղորդագրության մեջ:
Կարծիքներ