Չինական պատվաստանյութի փորձարկումները Բրազիլիայում կասեցվել են միջադեպից հետո

Առողջության հսկողության հարցերով զբաղվող Anvisa բրազիլական գործակալությունը ժամանակավորապես կասեցրել Է չինական Sinovac լաբորատորիայի կողմից կորոնավիրուսի դեմ մշակված Coronavac պատվաստանյութի փորձարկումները՝ «լուրջ միջադեպի» կապակցությամբ:

Այդ մասին, ինչպես տեղեկացնում Է «Արմենպրես»-ը, հաղորդել Է Globo հրատարակությունը:

Խոսքը, ինչպես հայտարարել են գործակալությունում, «լուրջ բացասական ազդեցության» մասին Է: Պատվաստանյութի կողմնակի ազդեցության մասին տեղեկատվությունը Anvisa-ը փորձարկումների մասնակիցներից մեկից ստացել Է հոկտեմբերի 29-ին, տեղի ունեցածի մանրամասները չեն ներկայացվում:

«Լուրջ միջադեպեր» են համարվում հիվանդի մահը կամ մահվան սպառնալիքը, հաշմանդամությունը, հոսպիտալացումը, վարակի փոխանցումը բժշկական սարքի միջոցով: Coronavac պատրաստուկը գտնվում Է կլինիկական փորձարկումների երրորդ փուլում, որոնց մասնակցում Է հազար մարդ:

Կամավորները, որոնք արդեն ստացել են ներարկումները, շարունակում են գտնվել հետազոտողների դիտարկումների ներքո: Ավելի վաղ դադարեցվել Էին COVID-19-ի դեմ այն պատվաստանյութերի փորձարկումները, որոնք մշակվել Էին բրիտանական AstraZeneca եւ ամերիկյան Johnson&Johnson լաբորատորիաների կողմից: Ռուսաստանում ներկա դրությամբ գրանցվել Է COVID-19-ի կանխարգելման երկու պատվաստանյութ:

Դրանցից առաջինը «Սպուտնիկ V»-ն Է, որը մշակվել Է Գամալեյայի անվան համաճարակաբանության եւ մանրԷաբանության ազգային հետազոտական կենտրոնում (ՀՄԱՀԿ)՝ Ռուսաստանի ուղղակի ներդրումների հիմնադրամի (ՌՈւՆՀ) հետ համատեղ: Այն ստեղծվել Է մարդու ադենովիրուսային վեկտորների բազայի վրա: ՌԴ առողջապահության նախարարությունն այն գրանցել Է օգոստոսի կեսերին: Երկրորդ պատվաստանյութը «ԷպիՎակԿորոնա»-ն Է, որն ստեղծվել Է «Վեկտոր» նովոսիբիրսկյան կենտրոնի կողմից եւ գրանցվել Է հոկտեմբերի 14-ին: