Օգոստոսի 11-14-ը մարզերի մեծ մասում օդի ջերմաստիճանը կբարձրանա

Արագածոտնի, Կոտայքի, Վայոց ձորի նախալեռներում և Արարատյան դաշտում բարձր կարգի հրդեհավտանգ իրավիճակը կպահպանվի: Այս մասին հայտնում է Հիդրոօդերևութաբանության և մոնիտորինգի կենտրոնը՝ ներկայացնելով առաջիկա 5 օրվա եղանակի կանխատեսումը.

Երևանում այսօր ցերեկը, օգոստոսի 10-14-ը սպասվում է առանց տեղումների եղանակ: Երեկոյան ժամերին և ամպրոպի ժամանակ սպասվում է քամու ուժգնացում՝ 15-20մ/վ արագությամբ:

Մարզերի առանձին շրջաններում այսօր ցերեկը և օգոստոսի 10-ի գիշերը սպասվում է կարճատև անձրև:

Օգոստոսի 10-ի ցերեկը, 11-14-ը սպասվում է առանց տեղումների եղանակ:

Քամին՝ հարավարևելյան 2-5մ/վ:

Արագածոտնի և Կոտայքի նախալեռներում, Արմավիրում երեկոյան ժամերին սպասվում է քամու ուժգնացում 15-20մ/վ։ Օդի ջերմաստիճանն օգոստոսի 11-14-ը մարզերի մեծ մասում աստիճանաբար կբարձրանա 5-6 աստիճանով:

Լոռիում, Տավուշում, Սյունիքում և Արցախում օգոստոսի 13-ին և 14-ին կբարձրանա 4-5 աստիճանով։

Արցախում այսօր և վաղը սպասվում է առանց տեղումների եղանակ։