Հրազդանում այրվել է մոտ 10 հա բուսածածկույթ
Մարտի 30-ին, ժամը 14։57-ին Կոտայքի մարզային ճգնաժամային կառավարման կենտրոն ահազանգ է ստացվել, որ Հրազդան քաղաքի քաղաքապետարանի ետնամասում այրվում է խոտածածկույթ։
Ինչպես «Արմենպրես»-ին տեղեկացրին ՀՀ ՆԳՆ փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է «Հրազդանի ՀԷԿ»-ին հարակից սարալանջին։
Հրդեհը մեկուսացվել է ժամը 15։32-ին, մարվել՝ 16։20-ին: Այրվել է մոտ 10 հա բուսածածկույթ։
Կարծիքներ