ՀՀ բուհերի և «STARMUS» միջազգային փառատոնի միջև կնքվել են փոխըմբռնման հուշագրեր
ՀՀ մի շարք բուհերի և «STARMUS» գիտության, արվեստի ու երաժշտության միջազգային փառատոնի միջև կնքվել են փոխըմբռնման հուշագրեր՝ ամրագրելով համագործակցության եզրերն ու ընձեռվող հնարավորությունները:
Մասնավորապես հուշագրեր են ստորագրվել Երևանի պետական համալսարանի, Հայաստանի ազգային պոլիտեխնիկական համալսարանի, Հայաստանի պետական տնտեսագիտական համալսարանի, Հայաստանի ազգային ագրարային համալսարանի, Հայաստանի ամերիկյան համալսարանի, Հայ-ռուսական համալսարանի, ինչպես նաև «ԱՅԲ» կրթական հիմնադրամի հետ:
Համագործակցության շրջանակում կողմերը կմիավորեն իրենց ջանքերը Հայաստանում գիտության հանրահռչակման ուղղությամբ՝ դրանով իսկ ապահովելով «STARMUS» փառատոնի հիմնական նպատակը՝ ոգեշնչել և կրթել հետազոտողների հաջորդ սերնդին:
Համագործակցության մյուս շրջանակում 2022 թվականի սեպտեմբերից աշխարհահռչակ «STARMUS» փառատոնի խոսնակները, այդ թվում՝ Նոբելյան մրցանակակիրներ, դասախոսություններ կկարդան վերոնշյալ ուսումնական հաստատություններում:
Կարծիքներ