G20-ի գագաթնաժողովը չկարողացավ արդարացնել ակնկալիքները․ Անտոնիո Գուտերեշ

Հռոմում G20-ի գագաթնաժողովը չարդարացրեց սպասելիքները՝ կլիմայի փոփոխության դեմ պայքարի առումով, սակայն հույսն ամբողջությամբ կորած չէ։ Այս մասին կիրակի օրը հայտարարել է ՄԱԿ-ի գլխավոր քարտուղար Անտոնիո Գուտերեշը։

«Չնայած ես ողջունում եմ G20-ի վերականգնված հանձնառությունը գլոբալ լուծումներ գտնելու հարցում, ես հեռանում եմ Հռոմից տապալված հույսերով: Բայց գոնե նրանք մահացած չեն», - գրել է նա Twitter-ում :

Ավելի վաղ G20-ում Ռուսաստանի Դաշնության շերպա Սվետլանա Լուկաշը հայտնել էր, որ Հռոմում G20-ի գագաթնաժողովի ամփոփիչ հռչակագիրը կպարունակի մի շարք հարցեր գլոբալ էներգետիկ հաշվեկշռի ոլորտում։ Նա ուշադրություն հրավիրեց այն փաստի վրա, որ խոչընդոտներից մեկը ածխով աշխատող էլեկտրաէներգիայի զարգացումն է։ Մասնավորապես, զարգացած երկրները պնդում են անհապաղ դադարեցնել ածխի օգտագործումը որպես էներգիայի աղբյուր, սակայն շատ երկրներում ածուխը զգալի մասն է կազմում էներգետիկ հաշվեկշռում։