Հայաստանը Միջազգային դատարանին մոտ 10 պահանջ է ներկայացրել. Եղիշե Կիրակոսյան
Հայաստանն Արդարադատության միջազգային դատարանին մոտ 10 պահանջ է ներկայացրել, Հանրային հեռուստաընկերության եթերում այս մասին ասել է Միջազգային իրավական հարցերով ՀՀ ներկայացուցիչ Եղիշե Կիրակոսյանը։
Պահանջներից մեկը, ըստ Կիրակոսյանի, այն է, որ Ադրբեջանը ձեռնպահ մնա Արցախի ներկա և նախկին պաշտոնյաների նկատմամբ իրականացվող պատժիչ գործողություններից։
«Ադրբեջանի կողմից հայտարարություն էր եղել, որ խոսքը 300 անձի մասին է։ Ցուցակ չենք տեսել, բայց կա հնչեցված թիվ, արդեն կան ապօրինի ազատությունից զրկման դեպքեր։ Այս ուղղությամբ Հայաստանի կողմից ձեռնարկվող քայլերը Արդարադատության միջազգային դատարան ներկայացված մեր պահանջն էր», - ասել է Եղիշե Կիրակոսյանը։
Ինչ վերաբերում է Արցախի նախկին պետնախարար Ռուբեն Վարդանյանի ձերբակալությանը, Կիրակոսյանն ասաց, թե այդ թեմայով առանձին պահանջ է ներկայացվել Եվրոպական դատարան։
Կարծիքներ