Չնայած հրավերին՝ Ալիևը չի մեկնել Մոսկվա մասնակցելու Հաղթանակի օրվա ավանդական զորահանդեսին

Այս տարի Ադրբեջանում Հաղթանակի օրվան նվիրված միջոցառումներ չեն եղել։ Հետաքրքիր է նաև այն, որ Իլհամ Ալիևը չի մեկնել Մոսկվա ավանդական զորահանդեսին։ Այս մասին գրում է MediaNews-ը։

Բազմաթիվ ֆոտո և վիդեո ապացույցներ կան Արցախի՝ Ադրբեջանի կողմից վերահսկվող տարածքներում Երկրորդ համաշխարհային պատերազմի հուշարձանների ոչնչացման մասին, ինչը վկայում է, որ Ադրբեջանը ոչ մի կարևորություն չի տալիս Հաղթանակին, այլ, ընդհակառակը, դա դիտարկում է որպես սպառնալիք, թեև դրա  մասին պաշտոնապես չի հայտարարում։

Ամեն դեպքում, Ադրբեջանի պահվածքը կարելի է համարել ոչ բարեկամական քայլ Ռուսաստանի հանդեպ, որի հետևում կա կոնկրետ շարժառիթ և մոտ ապագայի հստակ ծրագիր։

Միաժամանակ ակնհայտ է, որ Ալիևի նման դիրքորոշումը, մեղմ ասած, չի նկատվում ռուսական լրատվամիջոցների կողմից, որոնք միշտ աչալուրջ հետևում են  ՌԴ նկատմամբ վերաբերմունքի դրսևորումներին։