Լևոն Արոնյանն ու Մագնուս Կարլսենը ոչ ոքի են խաղացել

ԱՄՆ-ի Սենթ Լուիս քաղաքում անցկացվող Sinquefield Cup ավանդական մրցաշարի երկրորդ տուրում Հայաստանի հավաքականի նախկին առաջատար, ԱՄՆ-ի ներկայացուցիչ Լևոն Արոնյանը մրցել է աշխարհի չեմպիոն նորվեգացի Մագնուս Կարլսենի հետ։ Հանդիպումն ավարտվել է ոչ ոքի արդյունքով։

Ամերիկացի Հանս Նիմանը պարտության մատնեց ադրբեջանցի Շահրիյար Մամեդյարովին և 1,5-ական միավորով կիսում է առաջին տեղը Կարլսենի հետ։

Բացի Լևոն Արոնյանից, հինգերորդ փուլում հանդես են գալիս աշխարհի գործող չեմպիոն Մագնուս Կարլսենը (Նորվեգիա), Յան Նեպոմնյաշչին (Ռուսաստան), Ալիռեզա Ֆիրուզջան (Ֆրանսիա), Ֆաբիանո Կարուանան, Ուեսլի Սոն (երկուսն էլ՝ ԱՄՆ), Շահրիյար Մամեդյարովը (Ադրբեջան), Մաքսիմ Վաշյե-Լագրավը (Ֆրանսիա), Լենյեր Դոմինգեսը, Հանս Նիմանը (երկուսն էլ՝ ԱՄՆ):

Դասական շախմատի կանոններով անցկացվող մրցաշարի մրցանակային ֆոնդը կազմում է 350 000 դոլար, հաղթողը կստանա 100 000 դոլար: