Սինգապուրում հիվանդանոցի աշխատակցին սխալմամբ Pfizer-ի պատվաստանյութի հնգակի դոզա են ներարկել

Սինգապուրի բժշկական հաստատություններից մեկի աշխատակցին սխալմամբ կորոնավիրուսի դեմ Pfizer-BioNTech-ի պատվաստանյութի հնգակի դոզա են ներարկել են, սակայն որեւէ բարդություն չի հայտնաբերվել: Այս մասին ասվում է Ազգային ակնաբուժական կենտրոնի կողմից շաբաթ օրը հրապարակված զեկույցում, որտեղ հունվարի 14-ին տեղի է ունեցել միջադեպը, հայտնում է ՏԱՍՍ-ը:

«Սխալը հայտնաբերվել է ներարկումից անմիջապես հետո, որից հետո կենտրոնի աշխատակիցը անմիջապես հոսպիտալացվել է»,- ասվում է հայտարարության մեջ: «Ոչ մի կողմնակի ազդեցություն չի հայտնաբերվել»,- հավելել են բժշկական հաստատությունում: «Ներքին հետաքննությունը ցույց է տվել, որ միջադեպը մարդկային սխալի արդյունք է, որն առաջացել է պատվաստումներով զբաղվող անձանց չհամաձայնեցված գործողությունների պատճառով»,- ասել են կենտրոնում:

Կորոնավիրուսի դեմ պատվաստումը Սինգապուրում սկսվել է անցյալ տարվա վերջին, Pfizer-BioNTech-ի առաջին դեղամիջոցը ստացել են բուժաշխատողները, այնուհետեւ կառավարության անդամները` վարչապետ Լի Սյան Լունի գլխավորությամբ, ինչպես նաեւ ռիսկի խմբում գտնվող քաղաքացիները: Բնակչության պատվաստումը սկսվել է հունվարի 27-ին, սպասվում է, որ բնակիչների մեծ մասը կկարողանա պատվաստվել մինչեւ այս տարվա երրորդ եռամսյակ:

Իշխանությունները խոստացել են նաեւ 10 000-ական սինգապուրյան դոլար (7500 ԱՄՆ դոլար) վճարել պատվաստանյութից լուրջ կողմնակի ազդեցությունների համար: Մահվան կամ լուրջ բարդությունների դեպքում, որոնք կանդրադառնան հետագա կյանքի վրա, կառավարությունը 225 000-ական սինգապուրյան դոլար (169 000 դոլար) կվճարի։