Կալիֆոռնիան կրկին պատուհասել են անտառային հրդեհները. օդերևութաբանների կանխատեսումները հուսադրող չեն (լուսանկարներ)
ԱՄՆ Կալիֆոռնիա նահանգը կրկին հայտնվել է անտառային հրդեհների «տիրապետության տակ»: Հրդեհները բռնկվել են Լոս Անջելեսի արևելյան հատվածի լեռներում, հայտնում է The Guardian-ը:
Կալիֆոռնիայի իշխանությունների տվյալներով՝ կիրակի սկսված անտառային հրդեհներն առայսօր «կուլ են տվել» մոտ 60 ք/կմ տարածք: Հրդեհների սկզբնական օջախը եղել է Չերի Վելի բնակավայրը, որը Լոս Անջելեսից գտնվում է 137 կմ դեպի արևելք:
Իշխանությունները տարհանման կարգադրություն են տվել ռիսկային գոտում գտնվող մոտ 8000 բնակչի:
Օդերևութաբանների կանխատեսումները հուսադրող չեն. նրանք նշել են, որ խիստ վտանգավոր շոգի պատճառով հրդեհները կշարունակեն տարածվել:
Կարծիքներ