Դեսպան Մկրտչյանը Հունաստանի ԱԳ նախարարին է ներկայացրել տարածաշրջանային զարգացումների շուրջ Հայաստանի դիրքորոշումները
Փետրվարի 17-ին Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Հունաստանի ԱԳ նախարար Նիկոս Դենդիասի հետ։ Այս մասին տեղեկացնում է Հունաստանում ՀՀ դեսպանության ֆեյսբուքյան էջը:
Հունաստանի ԱԳ նախարարը շնորհավորել է դեսպանին իր առաքելությունը մեկնարկելու առիթով` մաղթելով հաջողություններ։ Նիկոս Դենդիասն ասել է, որ հայ-հունական հարաբերությունները ավանդականորեն ամուր հիմքերի վրա են գտնվում և միայն դրական դինամիկա պետք է ակնկալել այդ առումով։
Դեսպան Տիգրան Մկրտչյանը ներկայացրել է իր առաքելության հիմնական ուղղությունները։ Դեսպանը նշել է, որ առկա քաղաքական ակտիվ երկխոսությանը, ռազմական համագործակցությանը զուգահեռ լայն հնարավորություններ կան խորացնելու երկկողմ տնտեսական կապերը, գիտակրթական և մշակութային շփումները, ինչպես նաև խորհդարանական դիվանագիտությունը։
Դեսպան Տիգրան Մկրտչյանը ներկայացրել է տարածաշրջանային զարգացումների շուրջ Հայաստանի դիրքորոշումները։
Կարծիքներ