Աշխարհը պիտի հասկանա, որ Արցախի համար հանուն փրկության անջատվելը այլընտրանք չունի. Վահագն Թևոսյան
ԱԺ «Իմ քայլը» խմբակցության պատգամավոր Վահագն Թևոսյանը Ֆեյսբուքի էջում գրել է.
«Թուրքի հետ հնարավոր չէ պայմանավորվել, սա պատմական փաստ է, որը հենց հիմա, հենց այս պահին ու ամեն վայրկյան ապացուցվում է:
Ո՛չ մի կատարված խոստում, ո՛չ մի մարդկային դրսևորում, ո՛չ մի գրամ պատիվ, փոխարենը՝ հայերի նկատմամբ անչափելի ատելություն. նման վարքագծի տեր սուբյեկտի հետ հնարավոր չէ խաղաղ գոյակցել ու անընդհատ վտանգված չզգալ: Սա շատերս ցավով ենք արձանագրում, քանի որ հարևաններ ընտրելու հնարավորությունը սահմանափակ է:
Բայց այն, որ մեր ու թուրքերի համատեղ կյանքը մի տանիքի տակ բացառվում է, այլևս չի կարող քննարկվել որևէ հարթակում՝ պոզիտիվ միտումներով: Եթե դա տեսականորեն հնարավոր էր հարյուրամյա տքնաջան աշխատանքի արդյունքում, ապա թուրք-ադրբեջանական վարքը այս պահին այդ հնարավորությունը հետ է շպրտում հարյուրամյակներով:
Աշխարհը պիտի հասկանա, որ Արցախի համար հանուն փրկության անջատվելը այլընտրանք չունի»:
Կարծիքներ