Ալբերտ Ազարյանի անվան մարզադպրոցը նոր հասցե կունենա
1969 թվականից մինչ օրս երբևէ չհիմնանորոգված Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցը մոտ ապագայում կունենա նոր հասցե. ժամանակակից չափորոշիչներին համապատասխան շենքային պայմաններ, նոր ենթակառուցվածքներ և բարձրորակ գույք, այս մասին հայտնել է Երևանի քաղաքապետ Տիգրան Ավինյանը։
Նոր մարզադպրոցը զբաղեցնելու է ընդհանուր առմամբ 1,5 հեկտար տարածք և կունենա 532 անձի համար նախատեսված դահլիճ։
«Մենք շարունակում ենք սպորտային մշակույթը դարձնել Երևանի առօրյա կյանքի անբաժանելի մասը՝ հիմնանորոգելով ու արդիականացնելով սպորտդպրոցները, ինչը կնպաստի սպորտային մարմնամարզության զարգացմանը և նոր հաջողությունների գրանցմանը»,- նշել է Ավինյանը։
Կարծիքներ