Ռուս-վրացական բանակցությունները հետաձգվել են

Ռուս-վրացական բանակցությունները հետաձգվել են

Պրահայում նախանշված ռուս-վրացական բանակցությունների հերթական փուլը սեպտեմբերին չի կայանա, փոխարենն այն կանցկացվի հոկտեմբերին: Այս մասին տեղեկացրել է վրացական կողմը՝ փոխանցում է ТАСС գործակալությունը:

Բանակցություններին մասնակցելու են Ռուսաստանի ու Վրաստանի արտգործնախարարների տեղակալները:

Վրաստանի իշխանությունների խոսքով՝ բանակցությունների հետաձգման պատճառը համավարակն է, քանի որ շատ երկրներում կորոնավիրուսի երկրորդ ալիքի բռնկում կա:

Անդրադառնալով երկու երկրների միջև ավիահաղորդակցության վերականգնման հարցին՝ վրացական կողմը հայտնել է, որ Վրաստանի իշխանությունները պատրաստ են օրակարգի շրջանակում քննարկել այդ հարցը, եթե ռուսական կողմը քաղաքական կամք դրսևորի: