«Հայ մշակույթը հանրահռչակող օտարալեզու գրականություն» ծրագրով 3 հայտ կստանա աջակցություն
ՀՀ կրթության, գիտության, մշակույթի և սպորտի նախարարության «Հայ մշակույթը հանրահռչակող օտարալեզու գրականություն» դրամաշնորհային ծրագիրը շարունակվում է. 3 հայտ մասնագիտական խմբի գնահատման արդյունքում կստանա դրամաշնորհային աջակցություն։
Մրցույթի առանցքային նպատակն է հայկական մշակույթի տարածումն ու հանրահռչակումը Հայաստանի սահմաններից դուրս, պատմաիրավական խեղաթյուրումների և ապատեղեկատվության չեզոքացումը, արտասահմանյան առաջատար գրադարանների ֆոնդերի համալրումը հայկական մշակույթն ու պատմությունը ներկայացնող օտարալեզու հրատարակումներով։
Գրականության թեմատիկ ուղղվածություններն են՝
Լեռնային Ղարաբաղի հակամարտության գոտու պատմամշակութային ժառանգությունը,
Հայաստանի պատմամշակութային ժառանգությունը,
պատմագրություն,
հնագիտական ժառանգություն,
հայկական հետքը և մշակութային ժառանգությունն աշխարհում,
ուրարտագիտություն,
դասական և ժամանակակից արժեքների միջազգայնացում:
Կարծիքներ