Թալիբները զգուշացրել են, որ պատրաստ են կռվել օտարերկրյա զինուժի դեմ
Աֆղանստանի «Թալիբան» արմատական շարժումը հայտարարել է, որ իր զինյալները պատրաստ են ռազմական գործողություններ իրականացնել օտարերկրյա զորքի դեմ, եթե նրանք Աֆղանստանից դուրս չգան պայմանավորվածություններով նախատեսված ժամկետներում՝ հայտնում է РИА Новости-ն:
Հայտարարությունն արվել է, երբ ԱՄՆ նախագահ Ջո Բայդենը պետության ղեկավարի պաշտոնում իր առաջին ասուլիսում հայտարարեց, որ «մարտավարական պատճառներով» Վաշինգտոնի համար դժվար կլինի զորքերը Աֆղանստանից դուրս բերել մինչև մայիսի 1-ը, ինչպես նախատեսված է Կատարի համաձայնագրով: Թալիբները շեշտել են իրենց նվիրվածությունը համաձայնագրին և ԱՄՆ-ին կոչ են արել չխախտել այն: Նրանք զգուշացրել են, որ ամերիկյան կողմը պատասխանատվություն կկրի Աֆղանստանում պատերազմը շարունակվելու համար:
Կարծիքներ