Իրանում ուսումնական ինքնաթիռ է կործանվել

Իրանում վթարի է ենթարկվել Piper 28 ուսումնական օդանավը: Ներկայումս աշխատանքներ են տարվում ինքնաթիռը գտնելու ուղղությամբ: Իրանի Tesnim լրատվական գործակալության հաղորդմամբ՝ այդ մասին հայտարարություն է տարածել նահանգի նահանգապետ Մոհամմադ Ռեզա Էլբորզին։

Նրա խոսքով՝ ուսումնական ինքնաթիռն օդ է բարձրացել Նազարաբադ քաղաքից և կորցրել կապը կառավարման աշտարակի հետ: Նշելով, որ փրկարարական խմբերն ուսումնասիրում են ինքնաթիռի հավանական կործանման վայրը, Էլբորզին հավելել է, որ դեռևս արդյունքներ չկան։

Իրանական պաշտոնական IRNA գործակալությունը նշել է, որ կործանված ինքնաթիռը եղել է Piper 28 տիպի ուսումնական ինքնաթիռ։ Նահանգապետի հաղորդագրության համաձայն՝ իրադարձությունների զարգացումների և մանրամասների մասին տեղեկատվություն կտրամադրվի առաջիկա ժամերին։