Մի անգամ ինձ հարցրին՝ ո՞վ է քաղաքական գործչի Ձեր իդեալը, ես երկու մարդու անուն եմ տվել. Նիկոլ Փաշինյան
ՀՀ վարչապետ Նիկոլ Փաշինյանը CNN primanews-ին տված հարցազրույցում անդրդարձել է հարցին, թե արդյոք սպասե՞լ է, որ գալով իշխանության՝ նման մարտահրավերների կհանդիպի:
Հարցազրուցավարի դիտարկմանը, որ Նիկոլ Փաշինյանն իշխանության է եկել Հայաստանում տեղի ունեցած թավշյա հեղափոխության արդյունքում, որը բոլոր չեխերին հիշեցնում է 1989 թվականի թավշյա հեղափոխության մասին, երկու տարի անց բախվել է 90-ականների սկզբից ի վեր հայ ժողովրդի ամենամեծ մարտահրավերին, սպասու՞մ էր, որ նման մարտահրավերի կհանդիպի, ՀՀ կառավարության ղեկավարն ասել է.
«Ես կարող եմ ասել, որ կարծեմ այդ հարցազրույցը հրապարակված է, դա հաստատ հեղափոխությունից առաջ էր. մի անգամ ինձ հարցեցին՝ ո՞վ է քաղաքական գործչի Ձեր իդեալը, ես երկու մարդու անուն եմ տվել, եթե հիշողությունս ինձ չի դավաճանում, վստահաբար ես ասել եմ Նելսոն Մանդելա և Վացլավ Հավել: Եվ իրոք այն հեղափոխությունը, որը մենք իրականացրել ենք, այդ օրինակները և Չեխոսլովակիայի օրինակը, իհարկե, միշտ իմ մտքում և իմ աչքի առաջ եղել են: Կարո՞ղ էի արդյոք ենթադրել, այո՛, կարող էի ենթադրել, բայց մյուս կողմից, ըստ էության, չէի կարող ենթադրել, որ իրականում ոչ միայն մարտահրավեր էր, այլև, ըստ էության, այս դեպքում աշխարհաքաղաքական թակարդ, և, ըստ էության, փակուղի»:
ՀՀ ղեկավարը ընդգծել է, որ մասին շատ է մտածում և, բնականաբար, ինքն իրեն հարցեր է տալիս.
«Պետք է ուղիղ ասեմ, որ մինչև հիմա այնպես չէ, որ բոլոր հարցերի պատասխաններն ինքս ինձ համար գտել եմ: Ենթադրել, իհարկե, միշտ էլ կարելի է ենթադրել, բայց, իհարկե, մարդն իր էությամբ լավատես է լինում և լավատես է, չնայած այդպիսի ասացվածք էլ կա՝ երկու տարբերակ կա, որ լավատեսը վատ տեղեկացված հոռետեսն է: Բնականաբար, վարչապետի պաշտոնը ստանձնելուց հետո ինչքան ավելի շատ տեղեկացա, այնքան ավելի լավատեսությունը պակասեց»:
Կարծիքներ