Մարզերից մեկում տնօրենն իր կնոջը «բռնել» է այլ մարդու հետ, ապա՝ երկաթե ձողով ծեծի ենթարկել վերջինիս, հրազենով սպառնացել

Shamshyan.com-ի տեղեկություններով՝ հունվարի 26-ին կողոպուտի դեպք է տեղի ունեցել մարզերից մեկում։ 

Կայքի փոխանցմամբ՝ Մ․ Տ․-ի և Վ․ Մ․-ի միջև անձնական հարցերի շուրջ վիճաբանություն է տեղի ունեցել, որի ժամանակ Մ․ Տ․-ն ծեծի է ենթարկել Վ․ Մ․-ին։

Ոստիկանության տարածքային բաժնի ծառայողների կողմից ձեռնարկված անհրաժեշտ օպերատիվ հետախուզական միջոցառումների արդյունքում պարզվել է, որ Վ․ Մ․-ն 34 տարեկան է, աշխատում է տեղամասերից մեկում տնօրեն, իսկ Մ․ Տ․-ն 32 տարեկան է, ով աշխատում է մարզում հայտնի ընկերություններից մեկի տնօրեն։

Պարզվել է, որ Վ․ Մ․-ն «Ինստագրամ» սոցիալական կայքի միջոցով նամակագրական կապի մեջ է մտել  Մ․ Տ․-ի կնոջ հետ և 1 օր առաջ կնոջը ժամադրել է իր առանձնատանը։

Հանդիպումը տեղի է ունեցել ժամը 23։00-ի սահմաններում և Վ․ Մ․-ն այցելել է նշված վայր, որտեղ էլ Մ․ Տ․-ն ձեռքին եղած երկաթե ձողով հարվածներ է հասցրել Վ․ Մ․-ի գլխին ապա ձեռքերով և ոտքերով հարվածներ հասցրել մարմնի տարբեր մասերին, ինչից վերջինս ուշագնաց է եղել ապա Մ․ Տ․- ն կապել է Վ․ Մ․-ի ձեռքերը, այդ վիճակում նորից ծեծի ենթարկել իսկ հետո բացահայտ հափշտակել նրան պատկանող բջջային հեռախոսը, իսկ որոշ ժամանակ անց մեկ այլ անձի միջոցով հեռախոսը հետ է վերադարձրել։

Պարզվել է նաև, որ Մ․ Տ․-ն հրազենի փողը ուղղել է Վ․ Մ․-ի սեռական օրգանի ուղղությամբ և սպառնացել է, որ կսպանի։

Ոստիկանության մարզային վարչության և ոստիկանության տարածքային բաժնի ծառայողների կողմից Մ․ Տ․-ն հայտնաբերվել է և տեղափոխվել ոստիկանություն, որտեղից էլ նրան ներկայացրել են տարածքային քննչական բաժին, որտեղ կողոպուտ կատարելու փաստով նախաձեռնվել է քրեական վարույթ։

Մ․ Տ․-ն քննիչի որոշմամբ ձերբակալվել է և տեղափոխվել ձերբակալվածների պահման վայր։