Զորամասի հրաձգարանում անցկացվել են կրակային պատրաստության գործնական պարապմունքներ
Հունիսի 17-ին Մատենադարանում կկայանա «Silicon Mountains» 2022 միջազգային տեխնոլոգիական գագաթնաժողովը, որը նվիրված է թվային փոխակերպմանը: Այս մասին հայտնում են ՀՀ բարձր տեխնոլոգիաների նախարարությունից:
Արդեն երրորդ անգամ անցկացվող միջոցառման կազմակերպիչն է Տեղեկատվական և հաղորդակցության տեխնոլոգիաների գործատուների միությունը: ՀՀ բարձր տեխնոլոգիական արդյունաբերության նախարարությունը միջոցառման գործընկերն է:
Գագաթնաժողովի շրջանակներում Հայաստանի պետական պաշտոնյաները, ՏՀՏ ոլորտի առաջատար ընկերությունների ղեկավարները և արտերկրից հրավիրված փորձագետները կքննարկեն տարբեր ոլորտներում թվային փոխակերպման կարևորության և թվային լուծումների կիրառման վերաբերյալ հարցեր:
Միջոցառման այս տարվա թեմաներն են՝ թվային փոխակերպում, ֆինթեք և կիբեռանվտանգություն: Գագաթնաժողովի ընթացքում կկայանա երկու պանելային քննարկում՝ Թվային փոխակերպում և Ֆինթեք խորագրերով:
Կարծիքներ