Այսօր՝ նոյեմբերի 19-ին, հանրապետության մարզերում ՀՀ ՍԱՏՄ տեսուչները շարունակել են ստուգայցերը իրացման ցանցում և հանրային սննդի օբյեկտներում

Այսօր՝ նոյեմբերի 19-ին, հանրապետության մարզերում ՀՀ ՍԱՏՄ տեսուչները շարունակել են ստուգայցերը իրացման ցանցում և հանրային սննդի օբյեկտներում՝ վերահսկելով կորոնավիրուսի դեմ ձեռնարկվող միջոցառումների համապատասխանությունը սահմանված նորմերին:

Գեղարքունիքի մարզում վերահսկողություն է կատարվել 4, Արարատում՝ 2, Վայոց Ձորում՝ 6, օբյեկտներում:

Խախտումներ չեն արձանագրվել, արձանագրություններ չեն կազմվել:

Հիշեցում․ կորոնավարակի կանխարգելման համար սահմանված հիմնական պահանջներն են՝ աշխատակիցներն ու գնորդները պետք է կրեն դիմակ, պահեն սոցիալական հեռավորություն, խանութներում պետք է հասանելի տեղում լինեն ձեռքերի ախտահանիչներ, մակերեսները պետք է պարբերաբար ախտահանվեն, ունենան ախտահանման գրանցամատյաններ, աշխատակիցները պետք է լինեն պատվաստված կամ ունենան ՊՇՌ թեստի բացասական պատասխան։