Կուրտ Քոբեյնի լեգենդար կիթառը վաճառվել է ռեկորդային 6 մլն դոլարով
Կիթառը, որը նվագել է «Nirvana» խմբի կիթառահար Կուրտ Քոբեյնը MTV-ի եթերում «Unplugged» ելույթի ժամանակ, աճուրդում վաճառվել է ռեկորդային 6 մլն դոլարով, հաղորդում է AFP-ն:
Այդկերպ, Քոբեյնի երաժշտական գործիքը դարձել է ամենաթանկ կիթառը, որը երբեւէ վաճառվել է աճուրդում:
Պատմական լոտի մեկնարկային արժեքը կազմել է 1 մլն դոլար:
Կոբեյնի գործիքը, որը նա նվագել է ինքնասպանությունից ընդամենը հինգ ամիս առաջ, դարձել է Փիթեր Ֆրիդմանի սեփականությունը:
Գործիքի երջանիկ սեփականատերը նշել է, որ նախատեսում է համաշխարհային շրջագայություն կատարել, որի ժամանակ կներկայացի կիթառը, իսկ ստացված հասույթը կհատկացվի կատարողական արվեստին աջակցելու համար:
Կարծիքներ