Թուրքական զորքերը գնդակոծել են Սիրիայի հյուսիսում գտնվող Քոբանիի շրջանը
Թուրքական բանակի հրետանին շաբաթ օրը հրթիռակոծել է Սիրիայի Հալեպ նահանգի հյուսիսում գտնվող Քոբանիի քրդաբնակ շրջանը։ Firat գործակալության տվյալներով՝ ամենամեծ նյութական վնասը հասցվել է Բաղդիկ և Չուլթեբ բնակավայրերին, որտեղ ավերվել են մի քանի տներ։
Ըստ աղբյուրի՝ խաղաղ բնակիչների շրջանում կան զոհեր, նրանց թիվը ճշտվում է։
Ավելի վաղ հայտնել էինք, որ ուրբաթ օրը թուրքական հրետանին կրակ է բացել Սիրիայի դեմոկրատական ուժերի քրդական ջոկատների դիրքերի ուղղությամբ Ռաքքա նահանգի հյուսիսում։
Ըստ Firat-ի՝ Հուշան գյուղում գնդակոծության հետևանքով զոհվել է երկու մարդ։
Կարծիքներ