Երուսաղեմի հայոց պատրիարքն ընդունել է Արցախի 44-օրյա պատերազմում վիրավորված զինվորներին

Երուսաղեմի հայոց պատրիարքն ընդունել է Արցախի 44-օրյա պատերազմում վիրավորված զինվորներին

Երուսաղեմի հայ պատրիարք Ամենապատիվ Տ. Նուրհան արք. Մանուկյանն ընդունել է Արցախի 44-օրյա պատերազմում վիրավորված զինվորներին և Ազգային Ժողովի պատգամավորներին ու պաշտոնյաներին:

Այս մասին «Ֆեյսբուք»-ի իր էջում գրել է Երուսաղեմի Հայոց Պատրիարքության դիվանապետ Հայր Կորյուն Հովնան Բաղդասարյանը:

Հիշեցնենք՝ ԱԺ պաշտպանության եւ անվտանգության հանձնաժողովը մայիսի 23-ին  զինվորների հետ հանդիպում էր կազմակերպել ԱԺ-ում:

Հայտարարվել էր, որ 2020 թվականի 44-օրյա պատերազմի  հետևանքով հաշմանդամություն ձեռք բերած մի շարք զինվորներ կմեկնեն Երուսաղեմ՝ հանգստի:

Որոշվել էր, որ առաջին խումբը Երուսաղեմ է մեկնելու մայիսի 26-ին՝  ՔՊ պատգամավորներ Նարեկ Զեյնալյանի եւ Լուսինե Բադալյանի ուղեկցությամբ: