Տալլինում ավիավառելիքի կոնտեյներ է բռնկվել, որին հաջորդել է պայթյուն
Տալլինում հրդեհ է բռնկվել ավիացիոն վառելիքի կոնտեյներում, որին հաջորդել է ուժգին պայթյուն։ Տուժել է մեկ մարդ: «Արմենպրես»-ի փոխանցմամբ՝ այս մասին հաղորդում է էստոնական Postimees հրատարակությունը։
Ըստ հրապարակման՝ Նոլվա փողոցում բռնկված հրդեհի մասին հաղորդում է ստացվել տեղական ժամանակով ժամը 12։36-ին։ Աշխատանքներ են տարվել տարածքում էլեկտրական հոսանքն անջատելու ուղղությամբ։
Նոլվա փողոցը փակվել է երթևեկության համար։
Պայթյունի հետևանքով տուժել է նավահանգստի աշխատակիցներից մեկը. նրան հոսպիտալացրել են։
Մոտակա շենքերի բնակիչներին SMS հաղորդագրություն է ուղարկվել․ նրանց խնդրել են փակել պատուհանները և մնալ տանը:
Կարծիքներ