Արմեն Փամբուխչյանի անունով WhatsApp-ի կեղծ հաշիվ է բացվել

Երևանի փոխքաղաքապետ Արմեն Փամբուխչյանը «Ֆեյսբուք»-ի իր էջում տեղեկացրել է, որ իր անունով կեղծ հաշիվներ են բացվել ու հնարավոր է՝ քաղաքացիները ստանան հաղորդագրություններ:

«Սիրելի՛ ընկերներ,

Ուզում եմ տեղեկացնել, որ իմ անունով WhatsApp հաշիվ է բացվել այլ հեռախոսահամարից։ Հնարավոր է՝ ստանաք հաղորդագրություններ, որոնք կարող է թվալ, թե ուղարկված են իմ կողմից, բայց դա ես չեմ։

Նման հաղորդագրություններ կարող են գալ ոչ միայն WhatsApp-ից, այլև Telegram-ից կամ այլ հարթակներից։

Խնդրում եմ՝

Չպատասխանել նման հաղորդագրություններին,

Չսեղմել հղումների վրա,

Չտրամադրել անձնական տվյալներ։

Այս մասին հայտնում եմ, որպեսզի տեղեկացված և զգոն լինեք։

Խնդրում եմ, նախքան արձագանքելը, միշտ վստահ լինել, որ հաղորդագրությունը իսկապես իմ կողմից է»,- գրել է Փամբուխչյանը: