Հայերի «փեսա» Դոնալդ Վիլսոն Բուշը սկսում է համաշխարհային քարոզարշավ Սուրբ երկրից ՝ միավորելու բոլոր քրիստոնյաներին և հայերին

Դոնալդ Ուիլսոն Բուշը, ով նաև Վուդրո Վիլսոնի ժառանգության հիմնադրամի և Հայկական ազգային ասոցիացիայի նախագահն ու HYECoin Inc.-ի համահիմնադիրն ու խորհրդի նախագահն է, Երուսաղեմի Հայոց պատրիարքարանի կողմից հրավիրվել է Երուսաղեմ՝ Հայոց ցեղասպանության ոգեկոչման թեմայով իր խոսքն ասելու ու նաև ուղերձով դիմելու Սուրբ  Ջեյմս եղբայրության  անդամներին, գրում է aravot.am-ը։

Զատկի շաբաթվա այցի ընթացքում  որպես Պատրիարքարանի հյուր՝ Բուշն իր ընտանիքի հետ Երուսաղեմից ճամփորդեց Յաֆա և արևելք՝ տեսնելու քրիստոնեական մի շարք սրբավայրեր Երուսաղեմի Հին քաղաքում, Բեթղեհեմում և Երիքովում: Այնուհետև   Յաֆֆայի պատմական Սուրբ Նիկողայոս հայկական վանքում կատարվեց նրա երկվորյակ զավակների՝  Լիլի  և Վիլլի սուրբ մկրտության արարողությունը, որից հետո Վիլսոն Բուշի ընտանիքը մեկնեց Հորդանան գետ:

Նրանց  ուղեկցում էր Երուսաղեմի պատրիարքարանի Սուրբ Հակոբ եղբայրության Վ. Վրդ. Տիրան Հակոբյանը, որը նաև երեխաների կնքահայրն էր: «Դոնալդ Ուիլսոն Բուշը հազվագյուտ նվեր է հայ համայնքին,- իր խոսքում նշեց Տիրան Հակոբյանը,- Եվ մենք երախտապարտ ենք նրան  իր սիրո և հոգածության համար: Նա մեզ հետ ջանում է պահպանել մեր հայ մշակույթը, պատմությունը, ժառանգությունը և մեր սիրելի հայրենիքը»։