Ադրբեջանական կողմին կոչ ենք անում վերադառնալ կառուցողական դաշտ. Հովհաննիսյան
Ադրբեջանական կողմին կոչ ենք անում վերադառնալ կառուցողական դաշտ:
Այս մասին լրագրողների հետ զրույցում ասել է «Քաղաքացիական պայմանագիր» խմբակցության քարտուղար Արթուր Հովհաննիսյանը։
«Ադրբեջանի կողմից պաշտոնական հայտարարություն է հնչում այն մասին, որ հրադադարի խախտում է տեղի ունեցել հայկական կողմից, մենք էլ միջազգային հանրության համար, բոլորի համար հստակ ասում ենք՝ եթե կան փաստական տվյալներ, հրապարակեք։ Այս պահին արձագանք չկա»,- ասել է նա։
Հովհաննիսյանի խոսքով՝ եթե Ադրբեջանը վերջնականապես պատրաստ լիներ խաղաղության, հիմա կսկսեին քննարկումները խաղաղության պայմանագրի ստորագրման վերաբերյալ։
«Հույս ենք հայտնում, որ Ադրբեջանը կվերադառնա կառուցողական դաշտ»,- եզրափակել է Հովհաննիսյանը:
Կարծիքներ