Ահաբեկչություն Իրանում. զոհվել է մեկ, վիրավորվել՝ երեք մարդ
Մեկ մարդ զոհվել է, երեքը՝ վիրավորվել Իրանի հարավ-արեւելքում՝ Սարավան քաղաքում, ահաբեկչության հետեւանքով, հաղորդում է Tasnim-ը՝ հղում անելով Իսլամական հեղափոխության պահապանների կորպուսի հայտարարությանը:
«Ալ Քուդս» ստորաբաժանումը նշում է, որ կիրակի առավոտյան ահաբեկչական խմբավորումը կատարել է հարձակում Սարավանում, որը տեղակայված է Սիստան եւ Բելուջիստան նահանգի հարավ-արեւելյան մասում:
Տեղական ժամանակով 9:30-ին Սարավանի հրապարակում որոտացած պայթյունի հետեւանքով զոհվել է մեկ, վիրավորվել՝ երեք քաղաքացի, այդ թվում՝ մեկ կին, որոնք անցնում էին փողոցը:
Սարավանը գտնվում է Պակիստանի հետ սահմանից շուրջ 40 կիլոմետր հեռավորության վրա:
Կարծիքներ